[15/03/2010] Por décimo terceiro ano consecutivo Asemblea de Cooperación pola Paz (ACPP) organiza os Cursos de cooperación sobre o terreo en Palestina e Israel, Marrocos, Tunisia, Senegal...
Os cursos que se propoñen teñen como obxectivo fundamental amosar sobre o terreo o impacto dos proxectos de cooperación para o desenvolvemento que ACPP executa neses países, coa posibilidade de coñecer a realidade das áreas e comunidades normalmente afastadas dos circuítos máis turísticos e coñecidos destes países.
Para iso, proponse a visita a diferentes programas de cooperación de ACPP, financiados por diversas institucións españolas e europeas. O obxectivo é seguir a execución dos proxectos así como a avaliación dos obxectivos e resultados deseñados e o seu impacto social, político e económico nas comunidades beneficiarias. Ademais, os e as participantes terán a oportunidade de identificar novas accións co equipo de cooperantes de ACPP e as súas contrapartes locais.
Poderedes consultar a información detallada e as datas de cada curso na sección de cursos de ACPP
« Noticias